تاثرات : علامہ زبیر احمد ظہیر

عرفان القرآن کی تقریب رونمائی سے خطاب کرتے ہوئے فرمایا کہ اللہ تعالی نے اس دور فتن میں علامہ ڈاکٹر طاہرالقادری کو یہ عظیم سعادت اور توفیق دی کہ انہوں نے عرفان القرآن کے نام سے ایک ایسا ترجمہ قرآن حکیم کیا جس نے امت مسلمہ کو وحدت میں سمونے میں اہم کردار ادا کیا۔ آج کے دور میں اس کی اشد ضرورت تھی۔ فرقہ واریت کی بلند وبالا دیواروں کو گرانے اور اتحاد امت میں حائل رکاوٹوں کو دور کرنے میں یہ ترجمہ قرآن اہم کردار ادا کرے گا۔ اور اللہ تعالی نے یہ عظیم سعادت ڈاکٹر طاہرالقادری کو عنایت فرمائی ہے جس پر میں مبارکباد پیش کرتا ہوں ۔ میں نے اس ترجمہ کو بغور پڑھا ہے میں قسم اٹھا کر کہتا ہوں کہ علامہ ڈاکٹر طاہرالقادری نے اس میں ذرا بھر بھی ڈنڈی نہیں ماری بلکہ ترجمہ کرنے کا حق ادا کر دیا ہے۔ ڈاکٹر صاحب اتحاد بین المسلمین کے لئے ہر وقت کوشاں رہتے ہیں اور مسالک کے مابین اتحاد ویگانگت کی ان کی کوشش قابل ستائش ہے۔